Lunsay unvaccinated ang duha ka mga senior citizen kag isa pa ka 12 anyos nga lalaki nga dugang sa napatay sa Covid-19 sa Bacolod City karon nga bulan sang Abril.
Nagalab-ot na karon sa 13 ang Covid-19 related death sa siudad humalin Enero base sa record sang Emergency Operations Center.
Suno kay City Health Officer Dr. Carmela Gensoli, may yara sang na-record nga clustering of cases gani ginapadayon man ang monitoring kag contact tracing ilabi na sa mga nagapabilin nga active cases sa mga kabarangayan.
Magluwas sa temporary treatment and monitoring facility sang siudad nakahanda naman karon ang mga designated covid hospital beds sa Bacolod.
Padayon ang panawagan sang Department of Health sa mga unvaccinated, ilabi na mga may co-morbidity nga magpabakuna sa health center.