Tatlo ka mga Returning Overseas Filipino nga nagpositibo sa Omicron variant, nga damlag pa gin-report sang Department of Health nga for verification, ang fully recovered na kag nag-abot na sa Negros Occidental.
Ini suno kay Provincial Incident Management Team commander, Zeaphard Caelian.
Disyembre nag-abot ang tatlo sa Manila kag nag-quarantine.
Ang isa nag-abot sa Probinsya Enero 4, ang isa Enero 5 kag ang isa naman Enero 10.
Sa datus, sila ang fully recovered sa ila nga pag-abot sa Negros Occidental suno kay Caelian.
Sa karon sila ang gina pa monitor sa ila tagsa ka LGU.
Suno kay provincial administrator Rayfrando Diaz ang isa ang gikan sa United Kingdom, ang isa naman ang gikan sa Dubai kag ang isa gikan sa Saudi.
Ang tatlo ka ROF mga lalaki.
Sang Hwebes, ang DOH nag-report sang 30 ka kaso sang Omicron variants sa Western Visayas, kag napulo ang for verification, nalakip na ang tatlo ka Negrense ROF.
Sa pihak nga bahin, padayon ang pagsaka sang kaso sang Covid – 19 sa probinsya. 316 ang new Covid – 19 cases, sa PIMT January 27 nga report.
Silay ang may pinaka mataas nga na-record nga new cases sa amo nga adlaw – 55.
163 naman ang gin report naka recover.
Anum naman ang Covid related deaths sa amo nga report.