Duha ang pilason sa paglab-anay sang magpaka-isa sa Barangay Mansablay, banwa sang Isabela, Negros Occidental, kagab-i, Miyerkules, Hulyo 16.
Hinubog ang ginalantaw rason sang kapulisan sa nagluntad nga insidente.
Sandig sa imbestigasyon, naga-inom-inom ang tatlo ka magpakaisa sang sila ang nagbina-isay.
Ginabulong karon sa Ignacio Lacson Arroyo Memorial District Hospital si alyas “Abel”, 34-anyos matapos ginlabo sa ulo sang iya pakaisa nga si alyas “Ben”, 40 anyos.
Pagkakita sang isa pa gid nila ka pakaisa nga si alyas “Joe”, 36 anyos, nagkuha man siya sang binangon kag ginlabo si alyas “Ben” nga nakibyasan sa iya natu-o nga abaga.
Detained karon sa custodial facility sang Isabela Police Station si alyas Ben kag alyas Joe.