Humalin sang nagligad nga semana nagsugod sang pag hire sang traffic enforcers ang Bacolod Traffic Authority Office agud nga mapun-an ang kakulang sang personnel samtang nagapadayon ang transition sang Benitez administration.
Suno kay Police Major Junji Liba nga appointed head sang BTAO, sa 280 ka mga gin hire, may pila sa mga traffic enforcers ang na retain sa serbisyo kag may iban nga gin recommend sang mga punong barangay.
Pero tanan sila ang ipaidalom sa evaluation sa sulod sang isa ka bulan.
Manubo ini kun ikumparar sa malapit kinyentos ka mga traffic personnel nga nag trabaho sang nagligad nga administration.
May yara man sa 25 ka mga regular nga BTAO enforcers nga gin deploy sa dalanon.