Kapin P273,000 ang nahatag nga bulig sang Guihulngan City Task Force sa 28 tanan ka mga anay rebelde kag Milisya ng Bayan members sa idalom sang Leonardo Panaligan Command sang New People’s Army nga karon nag balik na sa sabak sang gobyerno.
Tagsa ang gin tagaan sang bulig pinansyal bangud sang ila pag surrender paagi sa Enhance Comprehensive Local Integration Program sang gobyerno.
May ara man sang mga nag baton snag dugang nga padya bangud sang ila pag sungka sang ila armas.
May rebelde nga nag sungka sang iya M16 Rifle kabaylo sang P45,000. May yara man sang nag baton sang P24,000 kabaylo sang duga ka caliber 357.
May duha man nga nag baton sang P12,000 kabaylo sang ila caliber 38.
Ginpasalamatan man ni Guihulngan City Mayor Carlo Jorge Reyesang mga rebelde sa ila pagbalik sa sabak sang gobyerno kag iya ginpahayag nga sila ang handa nga maga hatag sang bulig sa tagsa. Ila man gina handum nga ang iban nga ka upod sang mga nag surrender ang mag balik naman sa sabak sang gobyerno.
Sa amo nga programa gin unveil man ang Peace Pole nga ginpahamtang sa atubang sang city hall bilang simbolo sang kalinong sa siudad.