Baisay tungod sa pangitaay damang, nagresulta sa kamatayon sang isa ka persona sa Moises Padilla.
Patay ang isa ka katapo sang LGBTQ+ community matapos ginbuno sang makapila ka beses sang iya partner sa New Stockyard, Barangay 1 sa Moises Padilla sang Martes.
Nadala pa sa ospital ang biktima nga si alyas “Inday”, 28-anyos, apang napatay. Nakaangkon siya sang multiple stab wounds.
Ang suspek sa krimen, amo ang live-in partner sang biktima. Ginkilala ang suspek kay alyas “Kalbo,” 26-anyos.
Ginsiling ni Police Major Ryan Villasario, hepe sang Moises Padilla PNP, at large sa gihapon ang suspek apang gina-preparar na ang mga dokumento para mapasaka ang kaso nga homicide batuk sa iya.
Nag-gwa sa imbestigasyon nga indi pag-intyendihanay ang motibo sa insidente bangud pareho nga nakainom ang suspek kag biktima sang sila ang nagbaisay tungod sa pangitaay sang damang.
Mga kapin isa na ka tuig nga naga-upod ang biktima kag ang suspek, suno sa impormasyon nga nabaton sang pulis.*