Hunyo 27 sang makalab-ot sa Mayor’s Office ang kontrata sang 14 ka mga nurse kag 12 ka mga midwives nga nagaserbi sa lying-in clinic kag City Health Office.
Pero bulan na sang Agosto kag wala gihapon sila ma-sweldohan.
Suno kay Secretary to the Mayor Atty. Karol Joseph Chiu, ila na gina-review ang proseso agud nga mapadasig ang pag-release sang pondo para sa sweldo sang mga Contract of Service employees.
Naga-agi pa sa approval sang konseho ang kasugtanan antes pa man mapalab-ot ang sweldo sang mga COS kasubong sang proseso sa mga job order workers.
Nagahinyo na sang pasaylo kag paghangup si Chiu sa mga wala pa ma sweldohan nga mga Contract of service employees kag nagpasalig nga matinguhaan ma release ang pondo para sa sweldo sang mga COS sa Setyembre.