Ginbalikan kag gin inspeksyon sang katapo sang Bacolod Permits and Licensing Office kag City Legal Enforcement Team ang 25 ka mga commercial establishment nga wala gihapon maka kuha sang business permit sa Barangay Mansilingan.
Kalabanan diri mga kalan-an, kapehan kag iban pa nga baligyaan nga nalakip sa 40 ka mga commercial establishment nga naserbehan sang notice of closure.
Ginsiling ni City Legal Officer Atty. Romeo Carlos Ting, Jr., gintagaan nila sang last warning ang mga tag-iya, ilabi na ang nakasugod naman bayad kag proseso para sa business permit.
Sa madasun nga semana sarang na nga ipatuman sang siudad ang pagpasira sa ila kun mapaslawan sila nga mag-comply sa mga requirements.