Kampo sang 542nd Engineering Battalion sang Philippine Army ang ginpaidalom sa lockdown sang nagpositibo sa Covid-19 ang 25 ka scout ranger.
May trese lang ka active cases ang siudad sang Himamaylan sang pagsugod sang bulan sang Hulyo.
Ugaling hinali ini nagsaka sa 38 sang matalupangdan sang Covid-19 Health Division team nga nagpositibo sa Covid-19 ang 25 tanan ka mga katapo sang 16th Scout Ranger Division nga naka-station sa 542nd Engineering Battalion sang Army.
Gani gilayon man nga ginmandu ni Mayor Raymund Tongson nga ipaidalom sa temporary lockdown ang kampo sang militar sa Barangay Caradio-an.
Gikan sa nagkalain-lain nga lugar ang mga nagpositibo nga katapo sang army.
Padayon ang ginahimu nga contact tracing sang siudad agud ma-contain ang Covid-19.