May 37 na ka mga rice retailers ang una nga hatagaan sang tig-P15,000 nga financial assistance sang Department of Social Welfare and Development sa Negros Occidental sumugod bwas, Miyerkoles.
Suno kay city administrator Atty. Pacifico Maghari III,nalakip sa ginapaabot makabaton sang ayuda ang 25 ka rice retailers sa tatlo ka mga merkado sang Bacolod nga nag-comply sa ginapatuman nga price ceiling.
Ginpahayag ni Department of Trade and Indsutry Provincial Director Lynna Joy Cardinal nga tubtob karon nagapadayon pa ang ila monitoring sa mga baligyaan sang bugas sa pagpasiguro nga nagasunod sa Executive Order no 39 ang mga rice retailers ilabi na ang mga benepisyaryo sang igahatag nga subsidy sang DSWD.
Ang Bacolod City LGU ang naghimu sang tikang pinaagi sa pag-facilitate sang supplier nga makuhaan sang barato nga bugas sang mga rice retailers agud man may mabaligya sila nga bugas sa tag P41 tubtob P45 pesos ang kilo sandig man sa mando ni Presidente Ferdinand Marcos Jr.