24 ka mga balay sa Brgy 5 sa San Carlos City ang nasunog, kahapon sang aga, Miyerkules.
Suno sa Bureau of Fire Protection San Carlos, sa 24 ka mga balay, sa Hope Street, 21 ang totally destroyed kag tatlo ang partially damaged.
Suno kay FO1 Rochel Ann Batayola ang chief sang Intelligence and Investigation Unit, napabay-an nga tinig-ang ang gin halinan sang kalayo.
P306,250 ang balor sang kahalitan suno sa BFP.
Gilayon nga naka responde ang BFP sang maka baton sang tawag pasado las 11 sang aga.
Suno kay Batayola, naga ikit-ikit ang mga balay kag himo pa sa light materials rason nga madasig ang paglapta sang kalayo.
Tigayon na nga nahatagan sang assistance ang mga nasunugan suno kay Joe Recalex Alingasa ang spokesperson sang San Carlos LGU.
Ang mga apektado sa karon ang naga tenir sa gym sang barangay.