Tayuyon nga 3 digit ang new cases nga naga ka record sang probinsya sa pila na ka adlaw.
219 ang new cases sa Enero 25 nga report sang Provincial Incident Management team.
2,252 naman ang active cases sang Negros Occidental.
Suno kay Governor Eugeno Jose Lacson, tig 3 digit man ang naga dugang, ginalantaw nga tig 3 digit man ang naga ka recover.
Naga pati siya nga mahimo magasaka pa gid ang kadamuon sang kaso, pero karon nga gina lantaw ang amat-amat nga pagnubo sang kaso sa National Capital Region gina lauman nga kasubong man ang mangin trend sa mga probinsya posible sa peberero ukon sa Marso.
Pati health care workers ang naigo naman sa karon sang Covid-19 kag ang Teresita Lopez Jalandoni Provincial Hospital ang may pinaka madamo nga health care workers nga apektado.
Sa pihak nga bahin, balik duty na ang gobernador paagi sa work from home arrangment matapos nga maigo man sang Covid – 19.
Natalana pa siya mag paidalom sa RT PCR test suno sa iya.
Sa Lunes maga balik na siya report sa kapitolyo kadungan man sa liwat nga pagbukas sang mga talatapan diri.
“We’re also expecting triple digit decrease. Especially on mild cases, if fully vaxxed, per DOH guidelines, 7 days lang. Gina consider man na na wala na. This can still go up. But on a positive note, if my information is correct, ncr alone, the number seems to be going down. I always say that whatever happens sa NCR will also happen all over the country. On a positive note, we might be seeing a downtrend, we’re looking at February or March, ” suno kay Lacson.