Beinte tanan ka mga katapo sang isa ka pamilya sa Barangay Singcang-Airport sa Bacolod City ang nag positibo sa Covid-19.
Pito sa ila ginbutang sa isolation facility for Delta variant samtang ginahulat pa ang resulta sang ila RT-PCR test nga ginpadala sa Philippine Genome Center para sa genome sequencing.
Suno kay Dr. Chris Sorongon, deputy for medical data ang analysis sang Bacolod Emergency Operation Center, ang pito ang nagapuyo sa isa ka compound.
Sila ang ginpaidalom sa swab test sang una nga nagpositibo sa Covid-19 ang isa ka babaye nga nagabusong nga kaupod man nila sa compound sang Agosto 18.
Ginsaylo na sa hotel isolation facility ang trese nga kalabanan sa ila asymptomatic ukon wala sang may gina batyag nga sintomas sang Covid-19.