Duha tubtob apat ka bagyo ang balantayan sini nga bulan sang Oktubre, wala sang LPA pero posible ang pagbubo sang ulan kun hapon kag kun gab-i.
Ang easterlies ukon ang mainit nga hangin gikan sa Pacific Ocean amo karon ang naga apekto sa Pilipinas.
Wala sang low pressure area sa gwa kag sulod sang Philippine Area of Responsibility pero posible sa gihapon ang pagbubo sang ulan ilabi na kun hapon kag kun gab-i dala sang localized thunderstorms.
Sini nga bulan sang Oktubre suno sa PAGASA, balantayan ang duha tubtob apat ka mga bagyo nga maga sulod sa Pilipinas.
Subong nga ber months ukon tubtob Disyembre, lima naman tubtob siyam ka mga bagyo ng gina paabot nga maga sulod sa Pilipinas.
Sa sini na nga mga binulan naga agi sa Visayas kag Mindanao ang mga bagyo nga naga sulod sa Pilipinas gani suno sa PAGASA dapat mangin alerto kag mag monitor sang balita angut sa mga bagyo.
[sibwp_form id=1]