Duha sa tatlo ka Covid hospitals sang probinsya ang full capacity. Oxygen nga kinahanglanon sa mga ospital ang gina kulang man.
Sa datus ni Provincial Administrator Rayfrando Diaz, 110 percent ang occupancy rate sang ospital sa Valladolid kag 100 percent naman ang occupancy rate sang ospital sa Cadiz.
May bilin nga bakante ang ospital sa Himamaylan nga yara sa 78 percent ang occupancy rate. Daku man ang kakulang karon sang oxygen supply sa probinsya suno kay Diaz. Ang oxygen plant sang Negros Occidental nga yara sa Silay ang naga produce sang 80 tanks sa kada adlaw pero mataas sa gihapon ang demand.
Wala na tigayon deliver sang mga private supplier sang probinsya ang nasaad sa kontrata sini. Wala labot diri, nag hinyo pa sang saka sa presyo bagay nga suno kay Diaz mabudlay naman sa bahin sang gobyerno probinsyal nga mag justify sa audit sang Commission on Audit.
Ang gina himo, amo nga gina step down ang pag gamit sang high flow machine, magluwas na lamang sa may tuman nga kabudlayan sa ginhawa kag gina monitor ang ila nga oxygen saturation.