Naka panimaho ang tagbalay nga may nagakasunog amo kun ngaa naka hingagaw sila gwa.
Bangud madamol na ang aso kag nagadako na ang kalayo, ang iban naglumpat na lang sa bentana.
Nakaangkon sang pilas kag paso ang duha ka mga persona sa amo nga sunog.
Ang 32-anyos nga lalaki, napilas sa nawala nga tiil matapos maglumpat sa bentana agud nga makaluwas sa sunog.
Samtang, nakaangkon sang second degree burn sa tyan ang 8 ka tuig nga bata nga babaye.
Base sa report sang Bacolod BFP, isa ka balay ang totally destroyed kag tatlo ang partially damaged.
Ginabulubanta P270,000 ang kahalitan sang sunog.
Padayon pa ang imbestigasyon sang BFP kun ano gid ang gintunaan sang kalayo.*