Digicast Negros

2 patay sa separado nga tiniruhay

Bago City PNP

Nasapwan nga patay sang Sabado ang 50 anyos nga si Haidito Boca sa Barangay Santol sa Binalbagan.

Sa imbestigasyon sang Binalbagan PNP, naglisensya ang biktima sa iya misis nga mag kadto sa ila tubuhan sang amo nga aga apang tatlo ka oras ang nagligad, ini ang nasapwan na lang nga may mga igu na sang bala kag wala na sang kabuhi.

Samtang, patay man sang sabado ang mangunguma nga si Ramonito Mongcal matapos tiruhon sang iya upod inom.

Sa imbestigasyon sang PNP, naga inom lang ang biktima sa ila mismo balay sa Barangay Don Jorge Araneta sa Bago City upod ang suspek nga si Tito Osano kag sang papuli na hinali na lang siya gintiro sang suspek.

Ginahibalo pa sang PNP kun ano ang motibo sang suspek sa pagpatay kay Mongcal.

Exit mobile version
Skip to toolbar