Duha sa tatlo ang nag taya sa mga outlet sa Bacolod kag isa naman sa Pontevedra suno kay Jose Manuel Villagracia ang Manager sang Philippine Charity Sweepstakes Office sa Negros Occidental.
Mga 540,000 ang daugon sang tagsa kag buhinan pa ini sang 20 percent nga buwis.
Ang ila talatapan sa probinsya sarang lamang maka process sang 300,000 pesos paidalom nga daug gani sa Manila maga process ang tatlo suno kay Villagracia.
“Subject to 20 percent tax. Mga P480,000 akon isip. Daw amo na. May nag palapit sa akon, isa. Ma claim siya tani. Indi namon pwede mabayaran. Kay ang amon system di indi maka validate sang amo na ka dalagko”, suno kay Villagracia.
Sa tunga sang kontrobersiya nga naga kwestion sa pag daug sang 433 ka mga nagtaya, suno kay Villagracia daku ang iya kumpiansa sa PCSO kasubong man ang pagsalig sang mga pumuluyo nga naga taya diri.
May 91 ka mga outlet sang lotto sa Negros Occidental, 35 diri ang yara sa Bacolod. 18 to 22 million pesos ang maganar nila sa kada bulan. May 200,000 ka mga nagataya.