Gin-turn-over kaina sang aga sa Bacolod City Government Center ang duha ka unit sang Special Weapons and Tactics ukon SWAT van nga ginpangunahan ni Mayor Greg Gasataya sa Bacolod City Police Office nga gina pamunuan ni City Director Colonel Joeresty Coronica upod ang mga miyembro sang SWAT team.
Ang duha ka van may kabug-osan nga balor sang 6.5 million pesos kag ginpondohan sang siudad.
Suno kay Gasataya ini ang pinaka una nga tion nga may yara sang swat van ang siudad.
Dugang pa ni Gasataya ang mga SWAT van kinahanglanon para sa madasig nga transportasyon sa pag responde sa mga operasyon sang kapulisan, ilabi na sa mga kritikal nga sitwasyon.*