Duha na tanan ka mga nag-serbe nga witness sa separado nga mga kaso sang pagpaniro sa Bacolod ang natagaan sang reward money sang Bacolod City Police Office.
Ginpahayag ni BCPO Director Police Colonel Joeresty Coronica nga nangin dako ang kontribusyon sang mga saksi nga nanindugan para masolbar ang mga ginakabig cold cases sa siudad.
Nalakip diri ang kaso nga pagtiro kag pagpatay sa tricycle driver sa Barangay Bata sang Setyembre 12 sini nga tuig.
Nangin key witness man sa kaso nga murder ang isa sa nagbaton sang reward money nga nakahatag kasolbaran sa kaso sang gintiro kag ginpatay nga security guard sa Barangay 37 sang Hunyo 1.
Ang reward system kabahin sang initiative ni Mayor Albee Benitez sa tuyo nga matapna na ang kaso sang mga pagpaniro kag pagpamatay sa siudad