Digicast Negros

2 ka mga snatchers sa Bacolod downtown arestado

Police Station 1 photo

Arestado ang duha ka mga snatcher matapos ma corner kahapon sang mga operatiba sang Police Station 1 sa dalan sa Barangay 12 sa Bacolod. Ang mga gin dakop amo sanday Regie Lamprea kag Jhay Garcia.

Suno kay Major Ramel Sarona, hepe sang Police Station 1, pila na ka adlaw nga gina monitor sang intel operatives ang duha ka mga suspek bangud sang mga reklamo batuk sa ila.

Modus nila suno kay Sarona amo ang pag snatch sang kagamitan samtang sila ang sakay sa motor. Kahapon sila ang nakit-an kag ginlagas sang kapulisan kag tigayon nga na aresto sa dalan San Juan-Luzuriaga.

Na recover sa mga suspek ang pila ka mga gamit lakip na mga ID, cellphones kag bag nga gina patihan ila gin kawat.

Nakuhaan man sila sang tatlo ka sachet sang suspected shabu, tooter, gun replica kag lima ka mga bala sang caliber 45.

Kaso nga paglapas sa RA 9165, 10591 kag theft ang ipasaka batuk sa mga gindakop.

Exit mobile version
Skip to toolbar