Duha ka mga Negrense ang nalakip sa napulo ka mga bag-o nga National Artist nga ginhingadlan ni Presidente Ferdinand Marcos Jr.
Ang kilala nga visual artist nga si Nunelucio Alvarado sang Sagay City kag bantog sa iya nga pag immortalize sang mga kabudlayan sang mga sakada sa iya nga mga painting ang nalakip sa napulo nga ginhingadlan National Artists of the Philippines for 2025.
Sa Proclamation No. 1414, Series of 2026 ginkilala ang tagsa sa ila sa ila nga nangin makahulugan nga contribution sa pag sanyog sang Philippine arts and culture.
Si Alvarado ang nabun-ag May 5, 1950 sa Fabrica, Sagay. Siya ang gin nominate para sa gina kabig highest artistic honor sang pungsod sang iya mismo nga hometown.
Siya ang nag eskwela sang Fine Arts sa University of the Philippines-Diliman bilang isa ka Kabayao-Ledesma scholar sang 1969 kag sang ulihi nag eskwela Advertising sa La Consolacion College School of Architecture and Fine Arts sa Bacolod City.
Daku ang nangin papel ni Alvarado sa regional art scene. Co-founder siya sang Pamilya Pintura kag the Black Artists of Asia sang 1980s. Iya man gintukod ang Pintor Kulapol kag nagserbe nga Artistic Director sang Syano Artlink.
Si Teodoro Ledesma Hilado ang nalakip man sa ginhingadlan nga napulo ka National Artists sa patag sang Theater. Siya ang gikan sa Silay. Siya ang ginhatagan sang posthumous recognition.
Ginkilala si Hilado bilang ‘Father of Lighting Design’ in Philippine Theater.
Ginakabig siya nga pioneering figure sa Philippine Theater labi na sa iya nga lighting design kag technical direction. Ang iya nga career nagsanyog sa iya nga abilidad sa pag gamit sang light and space sa pag paayo sang story telling nga naga captivate sang iya nga audience.
Ini nga mga bagay ang bugal sang probinsya suno kay Governor Eugenio Jose Lacson.
[sibwp_form id=1]