Wala na sang kabuhi sang masapwan ang isa ka lalaki nga naga higda sa sapa sa Barangay Lag-Asan sa Bago City sang Sabado.
Ang biktima nga ginabulubanta naga edad 70 anyos ang wala pa tubtob karon makilal-an.
Wala man sang foul play nga nakita ang PNP sa iya sini kamatayon. Ila ipaidalom sa autopsy ang bangkay agud mahibaluan ang ginkamatay sang lolo.
Samtang, nakita man sang Biyernes sa sapa sa Barangay Damutan sa Hinobaan ang bangkay sang biktima nga si Rogelio Rebles nga na missing humalin pa sang Enero 8.
Ang 22 anyos nga suspek nga si Vergelio Toreno nga ulihi naka upod sang biktima amo man ang nag tudlo sa iya sini bangkay.
Sa imbestigasyon sang PNP, si Toreno kag rebles ang nag inom sang amo nga adlaw. Papuli na sang nagbaisay sila kag amo ang rason sang paglabo sang suspek sa biktima.
Siya man mismo ang nagtago sang bangkay sa sapa. Kaso nga homicide ang ipasaka batuk kay Toreno.