Ginpahayag ni Department of Education Negros Island Region Director, Ramir Uytico nga ang pag buylog kabahin sang united commitment sa pag pa bakod sang educational infrastructure kag pag pasiguro sang maayo nga bwas damlag para sa mga pamatan-on. Gin-una anay ang mga siudad.
Sa pihak nga bahin may 16 ka mga banwa naman sa Negros Occidental ang nag padala sang Letter of Intent para sa amo nga program.
Suno sa DepEd isa sa mga requirement para ma qualify ang LGU amo nga sila ang dapat may yara sang Seal of Good Local Governance gikan sa DILG.
Pero klaro ni Negros Occidental DepEd Schools Division Superintendent Gladys Sales kun wala sila sang SGLG, pwede sila sa gihapon sa programa kun may yara sila sang equivalent nga document nga ma submit nga naga pakita nga may yara sila sang “good governance”, ehemplo diri nga wala sila sang cases sang irregularities.
Sa 16, suno sa DepEd, tatlo ang wala sang SGLG – ang Toboso, Candoni kag Moises Padilla. Sa bahin sang Toboso, gin siling ni Mayor Richard Jaojoco nga sila ang maga appeal bangud sila ang may yara sang Seal of Good Financial Housekeeping kag basi pwede man ini. Maga pakig angut sya kay Senador Bam Aquino suno sa iya. May yara man gani sila sang padayon nga gina tukod nga locally funded classrooms.
Ginsiling naman ni Candoni Mayor Ray Ruiz nga sila ang maga hulat pa sang feedback angut sa ila nga letter of intent.
Samtang, wala nalakip sa listahan sang DepEd ang La Castellana, Hinigaran kag Don Salvador Benedicto sa mga nag padala sang letter of intent. Gina hulat pa ang ila nga sulat.
“May screening pa man sila. May qualification dapat they have a good standing as to financial management nila kay daw requirement ang seal of good financial standing”, suno kay Arnaez.*
[sibwp_form id=1]