Digicast Negros

19 anyos natukiban nga nag submit sang peke nga RT-PCR test result

Ginatugyan na sang gobernador sa Provincial Legal Office ang tikang nga ipatuman angut sa natukiban nga peke nga negative RT-PCR test result nga gin-submit sang isa ka manugpauli sa probinsya.

Suno kay Governor Eugenio Jose Lacson ang kasubong nga mga insidente ginakabig sang probinsya nga isa ka serious offense ilabi na nga ini ang nagabutang sa peligro sang kabuhi sang iban.

Isa ka 19 anyos nga Negrense ang nagsubmit sang isa ka fake negative RT-PCR test result sang Domingo suno kay Provincial Administrator Rayfrando Diaz. Ang peke nga certification naga alegar nga ini ang gikan sa molecular laboratory sa Mandaluyong.

Nagsubmit man ang 19 anyos sang peke nga S-Pass, nga suno kay Diaz ang wala gin-aprobahan.

Ginsiling nga nagbayad ang 19 anyos sang 2,000 pesos para sa amo nga certification kag maga pauli siya paagi sa barko.

Suno kay Lacson, kun ano ang naka saad sa layi amo ang mangin tikang nga ipatuman.

“I will leave that to the legal office. Once verified that it was fake, whatever is applicable. We take this as a very serious offense, which endangers the life of others,” suno kay Lacson.

Exit mobile version
Skip to toolbar