188 pa ka mga vendors sa Libertad Public Market na-issuehan sang notice of violation kay wala business permit.
Humalin sang nagligad nga semana, liwat nga ginpatuman sang City Legal Office Integrated Task Force ang mapping operation sa Libertad Public Market.
Ginsiling ni City Legal Officer Atty. Romeo Carlos Ting, Jr., natukiban nga sa masobra 300 ka vendors, 141 lang ang may yara sang business permit.
Gani gilayon nga nag-issue sang notice of violation ang katapo sang task force.
167 ang wala gihapon nag-proseso sang business permit kag 21 ang on process.
Kalabanan sa mga negosyo nga wala permit mga retails stores, vegetable, meat kag fish stalls sa sulod sang merkado.
May 15 days ang ginhatag sang City Legal Office sa mga vendors agud mag-secure sang permit. Ang mapaslawan ang ila balikan agud issuehan sang notice of violation kag notice of closure antes tigayon nga pasirad-an.