Pormal na nga ginbuksan kaina sang aga ang 17th Organic Farmers Festival kag 2nd Terra Madre Visayas.
Ini lamang ini naga tuyo nga masalida ang mga organic products sang mga mangunguma kag pagkaon sang katapo sang slow food movement.
Tinutuyo man sang sini nga kahiwatan nga madugangan pa gid ang naga damo nga mga mangunguma nga naga sulod sa organic farming kag naga preserve sang sinang una nga mga pamaagi sa pag preparar kag pagluto sang pagkaon pinaagi sa slow food movement.
Ini para mapangapinan man ang palibot kag kadutaan sa kahalitan nga dala sang mga kemikal pati na ang pag pasiguro nga matinlo kag safe ang pagkaon nga gina serve sang tagsa ka mga pamilya.
Magluwas sa mga booth sang kada organisasyon, LGU kag grupo sang mga mangunguma nga naga baligya sang ila mga produkto, may mga talks, seminars kag workshops man para madugangan pa gid ang ihibalo sang mga mangunguma kag ang yara sa food industry.
May mga nagpasakop man nga mga taga iban nga probinsya sa isa ka semana nga selebrasyon.