Gin-demolish sang Bacolod City Legal Office kag Department of Public Ways and Highways ang 17 ka mga balay nga nakatukod malapit sa creek sa Purok Narra Baybay, Barangay 8, Bacolod City.
Ini para maghatag sang ligwa sa pagpatukod sang phase two sang Multi Purpose Building para sa MassKara Festival Foundation.
Ginsiling ni Retired Police Colonel Levy Pangue, pamuno sang CLO Enforcement Team, duha na katuig nga nagapangabay ang siudad sa mga residente nga maghalin sa lugar.
May iban na sa ila ang nahatagan na sang lugar sa relocation site sa Arao, sa Barangay Vista Alegre apang, nagbinalik man ini sa gihapon sa Barangay 8.
Suno kay Pangue, magluwas sa ila mga ginsaway na sang tinalikdan nga mga tinuig, may bag-o pagid nga mga balay ang natukod sa amo nga lugar.
Gin-disqualify man nga hatagan sang relocation sang Bacolod Housing Authority ang mga bag-o lang sa amo nga lugar.
Naghatag man sang bulig pinansyal ang siudad para sa mga pamilya nga nadulaan sang balay bangud sa demolisyon.
“Wala naman [resistance] kay so far, mas mayo gani na kay may mga financial pa sila nga nakuha, kutob sa mga naguba namon to”, suno kay Pangue.*
[sibwp_form id=1]