Digicast Negros

16 tanan ka mga commercial establishments sa Bacolod ang temporaryo nga ginpasira bangud naga serve sang makahulubog nga ilimnon

Ginlibot sang kagab-i sang nagkalain lain nga nga talatapan sang siudad sang Bacolod upod ang PNP ang pila ka mga commercial establishments.

Sa masobra 30 ka mga lugar nga ila gin surprise inspection, 16 diri naabtan sa akto nga naga serve sang makahulubog nga ilimnon sa mga customer.

Suno sa kay Major Sherlock Gabana, pamuno sang EOC contact tracing, sa Executive Order ni Mayor Evelio Leonradia indi pa pwede maka serve sang alcoholic beverages ang mga commercial establishments. Pwede lang maka baligya humalin las 12 sang udto tubtob las 6 sang gab-i pero indi ini dapat pag imnon mismo sa lugar nga ginbaklan bangud napaildalom pa sa General Community Quarantine ang Bacolod.

Dugang pa ni Gabana, ang mga nadakpan nga naga ilinum ang ginkuhaan lang anay sang nagalan kag ginapapauli.

Ang mga commercial establishments naman nga naga serve sang makahulubog nga ilimnon ang ginpasira sa sulod sang 24 oras kag sa ila pagbukas liwat indi sila pwede maka serve sang alcoholic beverages. Kun liwat sila madakpan i-refer na ang ila nga kaso sa Bacolod City Legal Office.

Pila sa mga lugar nga gin inspect amo ang Barangay 7, 40 kag Villamonte. Kalabanan sa mga ilimnan ang wala pa sang mga permit.

Exit mobile version
Skip to toolbar