Ginpaidalum sa autopsy subong nga Martes sang Provincial Forensic Unit ang bangkay sang 13-anyos nga babaye nga nasapwan nga patay sa katubohan sa Sitio Lawagon, Barangay Poblacion West sa banwa sang Candoni Lunes sang gab-i.
Suno sa iloy sang biktima, ginsugo niya nga magbakal sang ice sa tiangge sa ila lugar sa Purok Pag-ulinganan, Barangay Haba ang iya nga bata Domingo sang gab-i.
Wala makapauli ang bata kag naghaum-haum ang iloy nga nag-upod siya sa iya mga abyan. Gintinguhaan man nila nga pangitaon ang bata apang wala gid sang may nakuha nga impormasyon ang iya mga himata.
Lunes sang gab-i sang may mga menor de edad sa Barangay Haba nga nakakita sa lawas sang biktima sa sulod sang katubohan. May pilas sa ulo ang biktima.
Ginsiling ni Police Capt. Leonel Adolacion, hepe sang Candoni PNP, padayon pa ang pagpangita sang ebidensya, CCTV kag mga saksi.
Ginahulat pa man sang kapulisan ang resulta sang autopsy agud mahibaluan ang gintunaan sang kamatayon sang biktima.
“Wala tayong na-recover doon kahit ginamit man lang na pagpatay sa bata sa area. Posible na dinala lang yung bangkay doon sa area nung namatay na.. Actually isa sa mga tinitingnan natin, posible may galit sa pamilya or revenge, isa yun. Marami tayong anggulo na tinitignan”, suno kay Adolacion.*
[sibwp_form id=1]