Nakuhaan sang video ang komprontasyon nga nagresulta sa pagpalupok sang pusil sang isa ka lalaki sa Sitio Bandera, Brgy. Bantayanon sa Calatrava sang Lunes.
Nagwa sa imbestigasyon sang pulis nga wala nag-intyendihanay kag nag-away ang lalaki nga ginkilala kay alyas “Jose”, 48-anyos kag isa ka babaye nga si alyas “Lyn”.
Suno kay “Jose”, nag init ang ulo niya sa mga ginbuy-an nga tinaga ni “Lyn” gani nakapalupok siya sang pusil.
Wala maigo ang babayi apang nasalabat naman sang bala ang 12-anyos nga solterito.
Gindakop sang pulis ang suspek kag nakuha sa iya ang caliber .45 pistol nga may magazine kag bala.
[sibwp_form id=1]