Makita sa video ni John Blaire Joplo ang pagtupa kag paglupok sang firecrackers sa kilid sang stage samtang ginahiwat ang fireworks display nga kabahin sang highlights sang Kabuganaan Festival, bilang selebrasyon sang ika-29 nga Charter Anniversary sang Kabankalan City, Domingo sang gab-i.
Sa video ni Responder 2.0 makita ang 10 ka lalaki kag isa ang babaye nga nakaangkon sang minor injuries nga gina tagaan sang first aid sang katapo sang Disaster Risk Reduction Management personnel.
Nalakip sa mga pilason amo ang isa ka force multiplier, tatlo ka sibilyan, isa ka empleyado sang syudad kag anum ka crew sang sound system.
Ginsiling ni Police Lt. Col. Gary Alan Resuma, hepe sang Kabankalan PNP, may mga firecrackers nga wala nag-lupok sa babaw kag nahulog sa crowd, kun diin ini naglupok.
Gilayon man nga gindala sa ospital ang mga biktima.
Suno kay Resuma, matapos mabulong ang mga pilason, sila ang nakagwa man sa ospital.
Na-settle na sang organizers ang medical expenses sang mga pilason, suno sa hepe.
Apesar sang natabo, ginakabig sa gihapon sang kapulisan nga “generally peaceful” ang paghiwat sang charter anniversary bangud wala sila sang may narekord nga major incident ukon dalagko nga krimen nga natabo.
“Pag-fireworks aksidente nga wala siya na nag-explode sa babaw, nahulog ni siya and then nagkadto sa populated area ang fireworks. Upon paglupok niya, may mga tawo, amo to naka-inflict siya sang 11 ka persons nga naka-incur mga minor injuries, mga pilas to siya. Tanan ni nahatagan man sang medical attention right after.. Sa amo sini, general peaceful man ni ang natabo sa aton festival kay wala man sang may mga insidente nga may nagpasaway sa aton crowd. Ini siya ya syempre ma-consider naton nga aksidente kay may ara gid man sang fireworks. Although may ara kita sang injuries, nahatagan man dayon sang assistance sang aton city”, suno kay Resuma.
[sibwp_form id=1]