Gintupok sang kalayo ang 11 ka daan nga mga bus sa junkyard sang One Communities South Hill Subdivision sa Barangay Cabug, sa siudad sang Bacolod Domingo sang hapon.
Suno sa kay FO2 Anthony Val Insansa, sunog gid ang 9 ka bus samtang duha naman ang na damage.
May isa ka 62 anyos nga lalaki nga naka agom sang paso sa tiyan.
Suno sa BFP napalid ang sin sang motorpool kag naigo sa live wire kag ang nautod nga livewire nagtupa sa mga bus nga ginhalinan sang sunog.
Gina bulubanta nga yara sa 20,000 pesos ang damage nga natuga sang kalayo.