As of 2pm subong nga hapon, ang LPA sa sulod sang Philippine Area of Responsibility ang yara sa 315 km east sang Hinatuan, Surigao del Sur.
Gina forecast sang PAGASA nga magamay ang posibilidad nga ang ini nga LPA ang mangin isa ka bagyo pero tabukon sini ang Mindanao kag magadala ini sang ulan sa mga porsyon sang Visayas kag Mindanao.
Ginapaabot nga matunaw ini sa pagtabok sa Mindanao.
Sumugod karon sa gab-i may posibilidad na sang pag-ulan sa Eastern Visayas kag CARAGA.
Ang tropical depression naman sa gwa sang PAR ang sa karon isa na ka tropical storm kag may international name pa nga Hagupit.
As of 2pm kaina yari na ini sa 2,195 km east sang northeastern Mindanao.
May kabaskugon ini nga 55 km/h tubtob 80 km/h.
Ginapaabot nga masulod ini sa PAR Biyernes sang gab-i ukon Sabado sang aga. Kun makasulod na sa PAR tawgon ini nga bagyo Caloy.
Ini ang ikatlo nga bagyo nga magasulod sa Pilipinas sini nga tuig.
Ginapaabot nga ining bagyo ang may dako nga posibilidad nga matunaw pero suno sa PAGASA dapat nga magtutok sa lakat sang sini nga mga weather disturbances kay posible pa ini nga magkambyo.*
[sibwp_form id=1]