Bisan wala pa ang tig-P10,000 nga ayuda, ginsuguran na sang City Legal Office Enforcement Team ang pag guba sang mga puluy-an sang 10 ka mga informal settler families nga nahatagan sang notice to vacate kag demolition sa Purok Lampirong sa Barangay 2 sa Bacolod City.
Suno kay Rey Demisana, pamuno sang enforcement team, boluntaryo ang pagpaguba sang balay sang mga apektado nga pamilya, pila sa ila ang na-disqualify sa housing program.
Ginpasalig naman ni City Legal Officer Atty. Romeo Carlos Ting, Jr., nga mahingagaw release sa 32 tanan ka mga pamilya ang financial assistance halin sa Department of Social Services and Development.
Ginapaabot sang siudad nga kun makakas na ang mga pamalay sa kilid sang Mambuloc Creek liwat man nga mapadayon sang Department of Public Works and Highways ang ila revetment kag floodwall project.