Patay ang 10 anyos nga bata nga si Princess matapos nga malumos sa Purok Mani, Barangay Gil Montilla sa Sipalay City Domingo sang aga.
Suno sa pamuno sang Sipalay Emergency Assistance and Rescue Services, Dionilo Bogtae, ulupdanay ang tatlo ka mga menor de edad nalakip na si Princess sa relocation site sang siudad.
Nagpalapit sila sa linaw nga naporma sa pagbunok sang ulan sang Sabado sang gab-i.
Hinali na lang nga nag usmod ang duta kag nahulog si Princess sa linaw.
Indi niya matungkad ang kadalumon sang tubig. Nagpangayo sang tabang ang duha niya ka mga kaupdanan nga kabataan pero pagbalik nila isa na ka mayami nga bangkay si Princess nga naga utaw utaw sa linaw.
Gilayon nga gindala sa pinakamalapit nga ospital ang biktima apang gindeklarar nga dead on arrival suno sa kay Bogtae.
Suno sa pamilya sang napatay nga bata nga ang magulang niya nga lalaki ang napatay man bangud nalumos man sadtong Nobyembre 2020 sa suba.