Digicast Negros

1 patay, 1 pilason sang mabunggo sa baral ang motorsiklo

Hinobaan PNP photo

Patay na sang mag abot sa ospital ang driver sang motorsiklo nga si Meynard Renquijo samtang pilason naman ang iya angkas nga si elmer canillada matapos ma aksidente sa highway sa bahin sang Barangay 1 Poblacion sa banwa sang Hinobaan sang Domingo sang aga.

Sa imbestigasyon sang Hinobaan PNP, naglapaw sa pihak nga lane ang motor matapos ini mag liko sa kurbada nga bahin sang dalan kag nag rekta sa baral sa kilid sang dalan.

Nag labog pareho ang duha ka sakay ka motorsiklo sang pag bunggo nga nag resulta sa kamatayon sang driver nga si Renquijo bangud sang mga naagum nga samad.

Padayon naman nga gina bulong sa ospital si Canillada.

Exit mobile version
Skip to toolbar