Sa pagbukas sang school year ang kada manunudlo maka angkon sang laptop, kag ang kada classroom may smart tv na sa tanan nga mga public schools sa Victorias City.
Suno sa kay Mayor Javi Benitez nahuman na nila ang procurement sang mga laptop, tv kag tablets.
Ang tanan nga mga classroom sa Victorias City ang mabutangan na sang smart tv, ang kada teacher sa public schools kag SPED center pati na administrators ang matagaan man sang laptop kag isa ka tablet nga i- share sang lima ka mga estudyante sa kada classroom.
Suno sa alkalde, ini sumugod na sa pagbukas sang madason nga school year.
Kabahin ini sa gina duso nga digitalization sang siudad kag para mapaayo man ang kalidad sang edukasyon.