Arestado sang City Drug Enforcement Unit ukon CDEU ang suspek nga si Justin Gayoso alyas Shakel/ Tin-tin, 27-anyos matapos nga makuhaan sang ₱1.7 million nga balor sang suspected shabu.
Suno sa kay Police Captain Joven Mogato ang head sang CDEU, napriso sadtong tuig 2017 ang suspek sa kaso man nga paghupot sang iligal nga droga apang ini ang nahilway sadtong 2020 matapos maka-avail sang plea bargaining agreement.
Suno sa mga pulis siya ang katapo sang Derla Drug Group.
Suno sa PNP ginakabig ang suspek nga isa ka high value individual nga nadakop sa buy bust operation sa Purok Progreso Village II, Brgy. Vista Alegre sa Bacolod City kaina sang kaagahon.
Residente man siya mismo sa amo nga sang lugar. Nakuha sa iya ang 253 grams sang suspected shabu.
Kasuhan siya sang paghupot kag pagbaligya sang iligal nga droga.