Arestado ang isa ka zumba instructor matapos makuhaan sang 150 grams sang gina patihan shabu sa buybust operation sa Purok Gonzaga, Barangay Taculing sa Bacolod sang kagab-i.
Ang subject sang buybust amo si Arjon Ramos nga suno sa pulis, naga serbe man bilang bodegero ukon naga bantay sang supply sang shabu kag naga baligya man siya.
Ginabulubanta naga balor sang P1,025,000 ang iligal nga droga nga nakuha kay Ramos.
Suno kay Police Captain John Christopher Masangkay, hepe sang Police Station 5, wala man sang record kag wala sa ila nga watchlist si Ramos ugaling siya amo ang gina tudlo sang ila sadto nga nadakop sa buybust bilang source kabangdanan nga ila ini na nga gin subject sa operation.
Detained na karon si Ramos kag kaso nga pag lapas sa RA 9165 ang ipasaka batuk sa iya.