Zero waste ang tuyo sang Bacolod LGU pinaagi sa 10-year solid waster management plan.
Ang pagpatukod sang recycling plant kag hazardos waste facility kabahin sa 10-year waste management plan nga ginpresentar ni BENRO head Ma. Fe Trespuentes sa National Solid Waste Management Commission-Executive Committee.
Ginpahayag ni City Administrator Lucille Gelvolea nalakip sa mga proyekto ang construction sang eco-park sa na-acquire nga duta kag ang pagbakal sang dugang nga equipment.
Ini sa tinutuyo nga malab-ot ang handum nga mangin zero waste ang siudad.
Dugang ni Gelvolea nga pabaskugon pa sang siudad ang kampanya angut sa community involvement agud matuman ang mga nalatag nga polisiya bahin sa waste segregation kag disposal.