Sa November 15 gina paabot ang releasing sang year-end bonus kag cash gift sang mga empleyado sang Provincial Government sang Negros Occidental. Samtang, Collective Negotiation Agreement sa tunga sang probinsya kag Progressive Alliance of Capitol Employees ang ginlagdaan.
Ginsiling ni Negros Occidental Governor Eugenio Jose Lacson nga magluwas sa year-end nga bonus nga equivalent sa isa nila ka bulan nga sweldo kag sang P5,000 nga cash, gina paabot man ang P30,000 nga CNA incentive.
Pero ini ang mabaton sa bulan pa sang Disyembre kag natalana pa nga iproseso suno kay Provincial Administrator Rayfrando Diaz sandig sa pagsulundan.
Gintiglawas ni Randy Peacita bilang presidente, ang PACE sa signing nga gin patigayon sang Nobyembre 10.
Sakop sang mga ginkasugtan ang non-monetary benefits, workplace conditions, office privileges kag mga mechanism sa pag resolve sang labor-management concerns.
Samtang, may iban pa gid nga ginapaabot balatunon ang mga empleyado sang gobyerno probinsyal sa Disyembre pero suno kay Diaz gina hulat pa ang mga guidelines para diri.
[sibwp_form id=1]