Naga laum si Governor Eugenio Jose Lacson nga ang mga Negrense athletes nga nag daog sang bulawan sa Western Visayas Regional Athletics Association meet ang tigayon man makadaog sang bulawan para sa rehiyon sa ginapaabot naman nga Palarong Pambansa.
Gina panginbulahan ni Governor Lacson ang Iloilo nga nag panguna sa nagtakop nga Western Visayas Regional Athletics Association Meet.
Mas nakahanda ang Iloilo sa amo nga hinampang suno kay Lacson bangud mas may daku sila nga panahon nga nag ensayo.
Pebrero pa lang natapos na ang Palaraong Panlalawigan sang Iloilo ang sa Negros duha ka semana antes sang WVRAA amo pa lang natapos sang Palaraong Panlalawigan.
Kinahanglan nga dapat mahandaan sang maayo suno sa gobernador.
May pila man ka bagay nga luyag ma klaruhan sa masunod nga hinampang.
Isa na diri ang bahin sa selection sang mga players suno kay Lacson.
Gina kalipay naman sang gobernador ang maayo nga feedback bahin sa pag host sang probinsya sang WVRAA.
Co-host ang Bacolod City sa WVRAA 2024.