Ginaduso sang Western Visayas Regional Development Council ang pagtukod sang Guimaras Strait Commissio nga ginalauman nga amo ang maga dumala sa pag secure kag pagpangapin sang baybay sa baylo nga may separado nga pagsulundan ang mga Local Government Unit sa nasakpan sang Guimaras Strait.
Suno kay Mayor Albee Benitez nga naga serbe chairperson sang RDC, ang commission ang kabahin mga tikang para sa plano nga himuon bilang seafood capital sang pungsod ang Western Visayas.
Nagapati ang alkalde nga dako ang potential sang rehiyon nga mapabaskog pa ang ekonomiya paagi sa mga ginapabugal nga seafood products kasubong sa mga shellfish, talaba, diwal kag iban pa.
Paagi man sa naaprobahan nga Blue Economy Bill sa kongreso ginalauman sang alkalde nga mas mapasanyug pa ang marine production sa Western Visayas.
Ang hagna isa ka landmark bill nga gin author ni 3rd District Representative Francisco Benitez agud magapabaskog pa ang mga bahin sa maritime governance kag maritime industries nga sarang makapaayo man sang palangabuhian sa mga coastal barangay.