Ginpahayag ni Mayor Greg Gasataya nga wala sang problema sa pag loan basta wala lang naga pameke sang dokumento.
Sa report nakasaad nga may 32 ka empleyado sang General Services Office nga gina-imbestigaran bangud sa pag pameke sang ila mga payslips agud maka loan sa GSIS.
Ang nasambit nga report ang yara na karon sa Office of the City Administrator para sa mas madalom nga pagpangusisa.
Ginatutukan sang opisina ang pag-imbestigar kun may nalapas nga regulasyon ukon wala sang husto nga proseso sa pagkuha sang loan.
Suno sa alakalde, kon mag-loan ang isa ka empleyado, iya ini kinamatarong kag wala ini gina balabagan. Apang ang importante , wala lang may ginpeke nga mga dokumento.*