Sa initial nga drone survey nga gina patigayon sang Provincial Disaster Risk Reduction Management Office wala sang may nakit-an nga artificial damming sa bulkan Kanlaon nga yara sa bahin sang Negros Occidental.
Paathag ni Mylene Gonzaga ang Information Officer sang Office of the Civil Defense Negros Island Region, kinahanglan pa nga mag patigayon pa gid sang drone survey bangud wala pa nasakop diri ang tanan nga critical areas.
Naga hulat sila sa Mines and Geosciences Bureau para sa masunod nga survey. Ang ahensya ang maga present man sang landslide inventory nila kag maga propose sila sang search areas. Gina lauman nga matigayon ini sini nga semana.
Wala pa malakip sa drone survey ang bahin sang bulkan Kanlaon nga yara sa Negros Oriental side.
Suno sa OCD importante nga ma check nila kun may artificial damming ukon ang pagtipon sang tubig tuga sang pag ka bara dala sang volcanic debris. Ang artificial damming ang delikado bangud maka tuga ini sang flash flood.
“Negros Occidental nga PDRRMO nag conduct sang survey in some of the areas within Negros Occidental, but they have not covered all the critical areas, therefore naga kinahanglan kita gihapon nga mag conduct survey. But for initial data po, there are no artificial damming at the surveyed area. And we are still awaiting for the MGB as we prepare the next drone flight because they are presenting us a landslide innventory,” suno kay Gonzaga.
[sibwp_form id=1]