Bacolod City Administrator nagpaathag nga indi matuod nga may litrato sang alkalde sang Bacolod ang ginpanagtag nga school supplies sang siudad.
Suno kay Atty. Mark Steven Mayo, ang city administrator, madamo ang makapamatuod nga ang mga school supplies nga ginpanagtag sa mga eskwelahan wala sang litrato ni Mayor Greg Gasataya, wala sang iya ngalan kag wala man sang logo sang siudad.
Ang mga notebooks nga may litrato sang alkalde nga gina pakamalaut sang mga kritiko suno sa city administrator, ang ginpanagtag antes sang pinili-ay, sang naga papili pa bilang kongresista si Gasataya.
Naupod ini sadto sa SHARE “Maih” Meals nga programa sang misis ni Gasataya.
Paathag niya, personal nga pondo ang gingamit diri kag indi pondo sang gobyerno.
Kabahin ini sang adbokasiya sang misis ni Gasataya suno kay Atty Mayo.
Dugang pa niya, magahimo sila sang nagakaigo nga tikang para magapanabat ang mga naghimo-himo sang malisyoso nga sugilanon nga ang amo nga notebooks amo ang gina panagtag sa karon sang siudad.