Department of Agriculture wala nag-recommend sang cloudseeding operation sa pihak sang epeketo sang mainit nga panahon.
May P87M na ang kahalitan nga natuga sang mainit nga panahon sa palay kag masobra P447,000 ang halit sa mais sa probinsya.
Wala pa diri na dala ang malapit 10 por siento nga halit sa mga kampo sang tubo ilabi na sa Southern Negros base sa initial nga report sang Sugar Regualatory Administration.
Ang pamanuan sang SRA nagahulat sa plano sang DA kag provincial government angut sa pagpatuman sang cloudseeding operation.
Pero sa ginpadala nga unofficial assessment and recommendation sang Bureau of Soils and Water Management sang Department of Agriculture kay Negros Occidental Governor Eugenio Jose Lacson, wala ginduso ang cloudseeding operation sa tuyo nga mapangapinan ang linibo nga mango plantation sa San Carlos City kag isla sang Guimaras.
Ang provincial LGU plano nga maghatag sang financial assistance sa mga mangunguma nga may kaumhan nga nahalitan sang mainit nga panahon.