Ang kuntani duha ka adlaw nga transport strike sang Kabacod Negros Transport Organization, ang naglawig lamang sang kapin anum ka oras subong nga adlaw.
Ginkumpirmar ni Lilian Sembrano, Presidente sang KNETCO nga natapos ang ila nga protest rally sa Magsaysay Flyover, las 12 kaina kag nagbalik na sila sa pag biyahe.
Dugang niya, wala naman sang transport strike nga patigayunon bwas nga adlaw bangud may pagnubo naman sang presyo sang gatong.
Ginakalipay man sang grupo ang pag-apruba sang LTFRB sang saka sa plete.
Sa ginpatigayon nga rally, lakip sa panawagan sang grupo ang pagbalik sang 55 pesos nga presyo sang gatong.
Nagapati man si Sembrano nga 90 porsyento sang mga unconsolidated nga mga jeepney sa Bacolod City ang nag-ugyon sa transport strike kaina sang aga.
Samtang nagpadayon man sini nga adlaw ang libre sakay nga gintanyag sang Bacolod City LGU bilang sabat sa untat byahe nga gin-anunsyo sang transport sector.
Bangud nga nagbalik naman byahe ang mga drayber, nag-anunsyo man ang Bacolod City College nga maga resume na ang face-to-face classes sa Miyerkules.
[sibwp_form id=1]