Ini ang assessment sang fuel price monitoring teams sa una nga adlaw nga naglibot sila sa mga gasolinahan sa siudad.
Ginsiling ni Atty. Marty Go, Secretary to the Mayor, nga may mga na-report lang sa ila nga may mga konsumedor nga nagabitbit sang drums kag dalagko nga containers kon magbakal sila sang gatong.
Apang, pagklaro sini, sa ila na submit nga report kahapon nga adlaw, wala sang may na verify nga naga-hoard.
Sandig sa pagsulundan sang Department of Energy, ang pagbakal sang gatong gamit ang portable containers ginatugutan lamang para sa mga agricultural, sea transportation, kag mga essential nga pag-gamit.
Ang nagabakal gamit ang mga dalagko nga containers, ang dapat may ipakita nga proof sang iya operational requirement kaangay sang purchase order kag business permit agud masiguro nga lehitimo ang ila pagbakal.
Dugang ni Go, compliant man sa price range ang halos tanan nga mga gasolinahan sa siudad nga ila nakadtuan kahapon nga adlaw.*
[sibwp_form id=1]